O alcalde louva o traballo da Axencia Europea de Control da Pesca cos novos patrulleiros

Vigo acolleu o acto de presentación dos tres novos barcos patrulleiros da Axencia Europea de Control da Pesca. Abel Caballero felicitou á Axencia polo traballo: “Isto é un fito. O control é a norma son fundamentais. Facedes un traballo excepcional”, dixo aos asistentes.

O alcalde afirmou que “Vigo é unha cidade do mar e a pesca” e manifestou “sentir o orgullo de dar acomodo á Axencia Europa de Control da Pesca”. Para Caballero “aínda hai moito recorrido na pesca” e aposta “por facer e construír, pescar e preservar”.

O rexedor aproveitou a presencia da directora xeral da DG MARE da Comisión Europea para expresar o rexeitamento aos regulamentos aprobados para a pesca en augas profundas e reclamou que fora máis rigoroso, coa análise científica pertinente, e pediu facelo “desde a cordialidade porque Europa tamén é un espazo de debate”.

Caballero puxo de manifesto a importancia da pesca para Vigo, como cando a cidade acolleu a Mesa da Ciencia Pesquera de toda España ou como o Goberno de España elixiu Vigo para a primeira reunión de pesca do Consello da UE presidido por España no segundo semestre do ano 2023.

No acto tamén interviron a directora da Axencia Europea de Control da Pesca, Susan Steele; a directora xeral da DG MARE da Comisión Europea, a secretaria xeral do Mar, a conselleira do Mar e a ministra de Agricultura e Alimentación de Portugal.