O alcalde destacou que se trata “dun servizo que se presta en toda a cidade de Vigo”. Todos os usuarios superan os 60 anos e case a metade contan con algún grao de discapacidade.
Abel Caballero avanzou esta mañá as cifras anuais de 2022 do servizo de Coidadores de Barrio, no que se prestaron 13.262 servizos de acompañamento. O proceso máis requirido foron os paseos, realizándose 8.387; seguido de 3.965 recados; 681 acompañamentos periódicos, tales como citas médicas e actividades e finalmente, 229 xestións de trámites.
“Imos seguir apoiando o servizo de Coidadores de Barrio”, sinalou Caballero, destacando que ademais se trata “dun xerador de emprego” xa que produciu a inserción laboral de 57 coidadores, que abandonaron o servizo ao encontrar outro traballo.
O Concello de Vigo xa está licitando o novo contrato, que cubrirá dende xullo de 2023 ata 2026, “a razón de 617.000 euros anuais”.
- Te recomendamos -
