Categorías: Últimas Noticias

O novo proxecto da Porta do Sol facilitará no futuro a execución do túnel ata Torrecedeira

A Xunta de Goberno Local vén de aprobar un modificado do proxecto de soterramento do tráfico rodado en Porta do Sol e da humanización da actual rede viaria por un importe de 3.201.000 euros.

O alcalde explicou que o novo proxecto para a Porta do Sol “prepara todo Elduayen para que non saian os túneles” nesa rúa, ante a futura execución da continuidade do túnel ata Torrecedeira.

O proxecto inicial contemplaba dúas bocas de entrada e saída do túnel en Elduayen pero como, previsiblemente no futuro non haberá saída nesa rúa, cómpre cambiar o micropilotado previsto levándoo aos extremos para que esa zona siga sendo túnel.

Tal e como explicou Abel Caballero, na Porta do Sol o novo proxecto prescinde de “tódolos elementos permanentes” previstos no orixinal, como é o caso das xardineiras. “Agora entendemos como funciona a praza da Porta do Sol na que onte mesmo houbo unha grande concentración”, igual que aconteceu o día do concerto de Tanxugueiras e como ocorrerá o día da Reconquista, citou “e temos que cambiar a forma de entendelo. Todo o que estea na Porta do Sol ten que ser retirable. Poñeremos árbores pero en macetas que se poidan retirar e bancos que tamén poidan ser levantados” cando sexa preciso, sinalou.

No caso da conservación dos restos da Muralla atopados en Carral, o cambio no proxecto contempla o axuste das rasantes da saída para evitar problemas de gálibos.

Para o rexedor, estes cambios, que teñen un importe de 3,2 millóns de euros, supoñerán “un aforro moi importante cando avancemos co túnel porque se continuamos como estaba previsto, habería que tiralo todo ao executar a continuación do túnel”. Deste xeito agora queda preparado para a futura construción.

A humanización da Porta do Sol ten un orzamento de 17 millóns de euros, unha obra cofinanciada con Fondos Feder da UE dentro do proxecto Edusi-Vigo Vertical.

Redacción

Entradas recientes

Middle States Athletics Program premia a Emilio Sánchez Academy con distinción de excelencia en educación y deporte

La **Emilio Sánchez Academy** ha sido reconocida con la ‘**Middle States Athletics Program Distinction**’ por…

2 horas hace

Caldea revoluciona la oferta primaveral con una cabina de hielo y vaporización de aromas

La primavera es un buen momento para adoptar unas rutinas de cuidado de la piel…

2 horas hace

Expertos reivindican la inteligencia artificial como motor de cambio en el modelo educativo

La Inteligencia Artificial (IA) es una oportunidad para transformar el modelo educativo y replantear los…

3 horas hace

Alumnado do Colexio O Pombal achégase aos escenarios da Reconquista co programa "A máquina do tempo"

Escoitar Abel Caballero explicou este venres aos 40 alumnos do Colexio Plurilingüe O Pombal que…

4 horas hace

Novos actores "debutan" nas "XIV Xornadas Municipais de Teatro Escolar"

Escoitar Abel Caballero animou ao alumnado do Ceip Belesar e da Escola Municipal de Teatro,…

4 horas hace

Esta web usa cookies.