Seguindo coa previsión da mellora do servizo incorporaranse progresivamente 300 novos colectores metálicos de aceites e outros 300 de roupa e calzado, ata o mes de xullo. Grazas ao emprego de sistemas dixitalizados poderase realizar un control de cada contedor e xestionar servizos a demanda a través de avisos web.
En Vigo recóllense ao ano un total de 390 toneladas de téxtiles e 26 toneladas de aceites usados, un servizo que cada vez ten maior demanda grazas á concienciación por parte dos cidadáns sobre a necesidade de reciclar este tipo de residuos. Por este motivo, o Concello de Vigo incrementará a recollida selectiva deste tipo de desfeitos que ata o de agora realizase a través de 98 contedores (49 de aceites e 49 de téxtil).
Este reforzo contempla a instalación, de xeito progresivo e ata o mes de xullo, dun total de 600 novos colectores, 300 destinados a aceites de cociña e outros 300, con peches antivandálicos, para roupa, calzado e complementos usados.
Os novos contedores dispoñen de etiqueta electrónica identificativa (TAG) que permite levar un control e seguimento en relación ao seu baleirado e limpeza. A antena instalada nos novos camións recolectores e lavacontenedores detecta a etiqueta e rexistra no equipo a información referente ao seu baleirado e limpeza, contribuíndo así á dixitalización do sistema e ao mantemento dos colectores, permitindo incluso realizar servizos a demanda a través dos avisos web cidadáns.
Entre marzo e abril, instalaranse na cidade 120 contedores de cada tipo co obxectivo de chegar ao mes de xullo completando as 300 unidades para cada unha destas fraccións de residuos. Grazas a este reforzo, a cidade de Vigo contará cunha capacidade potencial de reciclaxe de 1.755 toneladas de téxtiles e ata 117 toneladas de aceites, que vén ser recuperar o 50% da produción deste tipo de residuos.
Durante las primeras horas del día en Vigo habrá cielos nubosos con tormentas acompañadas de…
Abel Caballero mantivo unha reunión esta mañá co ministro de Transportes e Mobilidade Sostible, Óscar…
Abel Caballero mantivo unha reunión esta mañá co ministro de Transportes e Mobilidade Sostible, Óscar…
La Premier League ha votado a favor de establecer reglas de control económico que toparán…
El atractivo paisajístico de los olivares en España ha convertido a sus pueblos en un…
Tras un año y medio en vigor, la nueva ley concursal se vislumbra más adecuada…
Esta web usa cookies.