Abel Caballero afirma que o fallo xudicial que rexeita o recurso presentado contra o túnel pola Asociación Viguesa pola Defensa do Patrimonio Histórico, unha comunidade de propietarios e un propietario dun comercio, “é moi claro” fixando a legalidade da construción e ditaminando que se adoptaron todas as prevencións necesarias
A xustiza vén de dar a razón ao Concello de Vigo sobre a legalidade das obras de soterramento do tráfico coa construción do túnel da Porta do Sol. O Tribunal Contencioso Administrativo número 1 ditou unha sentenza que desestima o recurso presentado contra o proxecto de enterramento do tráfico presentado conxuntamente pola Asociación Viguesa Pola Defensa do Patrimonio Histórico, unha comunidade de propietarios e polo propietario dun negocio.
El alcalde incidiu en que a sentenza “é moi clara”, ao afirmar que a obra conta con numerosos informes técnicos, con acta de replanteo, así como con todas as actuacións de comprobación pertinentes “que demostran a viabilidade do proxecto”.
Caballero engadiu, que o tribunal fixa no fallo ao recurso que entende que se adoptaron todas as prevencións necesarias previas á construción do túnel dirixidas a minimizar os riscos e que a administración autonómica, competente nos temas de patrimonio cultural, interveu no momento legalmente preceptivo e noutros casos non resultaban pertinentes, como no Camiño Portugués do Camiño de Santiago.
O rexedor detalla que o fallo xudicial recolle que as obras non afectan a Oliveira centenaria porque as obras atópase a unha “considerable” distancia.
O alcalde remarcou que o fallo xudicial “rexeita” o novo intento de parar as obras da Porta do Sol ditado por parte de persoas que antepoñen “intereses particulares e privados” fronte aos xenerais dos vigueses.
Caballero lembrou que os particulares que recurriron a obra alegaron ante o Tribunal Contencioso Administrativo que o proxecto de soterramento non reflectía a realidade das edificacións próximas; así como o seu dereito á inviolabilidade e á integridade física por existir regas nas casas colidantes á intervención. Tamén alegaron que o Concello de Vigo carecía de autorizacións sectoriais, especialmente de Patrimonio Cultural da Xunta de Galicia, xa que alegaban que se afectaba tanto ao Camiño Portugués como á Oliveira centenaria.
- Te recomendamos -
