O Auditorio Mar de Vigo acollerá a ópera máis representada no mundo na programación desde outono inverno. Un espectáculo que reúne a máis de 80 persoas.
“La Traviata”, a ópera de Giuseppe Verdi, poderá gozarse no Auditorio Mar de Vigo o domingo 3 de decembro ás 19:00 horas da tarde. Trátase dunha produción exclusiva de Leonor Gago Artist Management, en colaboración coa Ópera Nacional de Moldavia.
Tal e como sinalou o rexedor, “La Traviata” estreouse o 6 de marzo de 1.853 no Teatro “A Fenice” de Venecia, baseada na novela de Alejandro Dumas “A Dama das Camelias”. A estrea foi un gran fracaso pero, meses despois, tras actuacións no Teatro Real de Madrid, no Liceo de Barcelona ou no Metropolitan de New York, entre outros, adquiriu un gran éxito, que perdura ata os nosos días. Nestes momentos é a ópera máis popular e máis representada no mundo.
A produción que chega ao Auditorio Mar de Vigo é fiel á escenografía tradicional, suma un equipo de máis de 80 persoas e conta cun elenco internacional de artistas, procedentes de diferentes partes do mundo.
- Te recomendamos -
