A escritora viguesa foi designada “por aclamación” polo Padroado da Fundación Laxeiro que recoñece a súa traxectoria e a súa dedicación para potenciar a cultura galega.
O alcalde informou este xoves da concesión do galardón a unha “muller extraordinaria e irrepetible da cidade de Vigo” cuxa traxectoria a fai “sobradamente merecedora de recibir este galardón”.
O Padroado da Fundación vén de adoptar a decisión “por aclamación” recoñecendo a súa dedicación para potenciar a cultura galega, a través da escrita e unha evidente independencia e liberdade creativa e de pensamento.
De María Xosé Queizán valora tamén o Padroado o seu compromiso con diversas iniciativas teatrais, editoriais e de reivindicación feminista desde épocas ben temperás. Fundou en 1959 a compañía “Teatro de arte e ensaio da Asociación da prensa de Vigo, foi a fundadora da revista “Festa da Palabra Silenciada” cuxo consello de redacción estaba integrado só por mulleres e tivo un “papel importante” como vicepresidenta do Consello Municipal da Muller de Vigo.
- Te recomendamos -
