Inicio Últimas Noticias Abel Caballero valora as Sociedades Mixtas Pesqueiras como “magnífica palanca para facer...

Abel Caballero valora as Sociedades Mixtas Pesqueiras como “magnífica palanca para facer economía”

O Consorcio da Zona Franca de Vigo presentou hoxe o Informe sobre o impacto económico e social das Sociedades Mixtas Pesqueiras de España, elaborado por ARDÁN e a Universidade de Vigo.

Na súa intervención, o presidente do Consorcio da Zona Franca de Vigo manifestou o seu convencemento de que as Sociedades Mixtas Pesqueiras son “unha magnífica panca para facer economía e na forma da modernidade” e sinalou a necesidade de enfocar a relación con países terceiros “desde a colaboración, o respecto e o recoñecemento da súa soberanía e da súa dignidade”.

O alcalde amosouse convencido de que as SMPs “son o instrumento da globalización do século XXI” e puxo en valor que “favorecen aos máis de 400 millóns de persoas que conformamos Europa en algo tan importante como é a alimentación saudable”. Engadiu amais que “visto desde a economía, a sociedade, a política e a modernidade, as SMPs son o mecanismo perfecto e o que temos que defender. Asístenos a razón e hai que defendelo cada día en Europa”.

Leer más:   Infraestructuras Alcaldía Vigo Vertical 25.000 personas utilizaron o Halo na primeira fin de semana de funcionamento A entrada en funcionamento do Halo, a pasada fin de semana, atraeu o interese das 25.000 persoas que pasearon polo novo elemento do Vigo Vertical que comunica a rúa de García Barbón con Vía Norte; a zona máis próxima ao mar coa parte alta da cidade. “O nivel arquitectónico é único, dunha beleza excepcional”, afirmou Abel Caballero ao destacar que o Halo “vertebra” á cidade e favorece a mobilidade.

Pola súa banda, Ana Mejías, vocal substituta do Delegado Especial do Estado no Consorcio Zona Franca, cualificou a xornada de hoxe como “economía con maiúsculas” e destacou que “Ardán converteuse nun referente a nivel nacional e os seus resultados son utilizados por multitude de axentes económicos e do ámbito da investigación”. Engadiu que o informe de SMPs “ilustra precisamente esta realidade, que a pesca e toda a súa cadea de valor teñen unha relevancia transcendente a nivel local, porque cando falamos da pesca en Vigo é falar do liderado en Galicia, España e a nivel mundial”

O estudo conclúe que as Sociedades Mixtas Pesqueiras deben constituír un instrumento relevante e eficaz da estratexia da Unión Europea e reivindica novos aranceis para a súa produción, así como o impulso de instrumentos financeiros que permitan a renovación da frota de acordo cos novos estándares de sostibilidade.

Leer más:   O Concello edita un catálogo coa colección de Colmeiro

A actividade económica das Sociedades Mixtas Pesqueiras xerou unha produción de 5.889 millóns de euros, un valor engadido bruto de 3.032 millóns de euros e un total de 139.254 postos de traballo no conxunto da Unión Europea e de terceiros países.

Durante a presentación púxose en valor a relevancia desta actividade polo valor económico que xera e polo seu impacto social, que se pon de manifesto polo emprego creado e a súa achega no cumprimento dos ODS de fin da pobreza, fame cero, igualdade de xénero, traballo decente e crecemento económico, industria, innovación e infraestrutura, redución das desigualdades, produción e consumo responsable, vida submarina e alianzas para lograr obxectivos.

Estes datos forman parte dos principais resultados do Informe sobre Empresas Mixtas Pesqueiras de España, elaborado polo Servizo de estudos ARDÁN e a Cátedra ARDÁN da Universidade de Vigo. Na presentación participaron tamén a vocal substituta do Delegado Especial do Estado no Consorcio, Ana Mejías, o presidente da Asociación ACEMIX, Javier Touza, e o presidente da asociación ANEPAT, José Ramón Fontán.

Leer más:   O Concello outorga a licencia de ampliación a Borgwarner

O estudo, elaborado polos profesores Xavier Martínez Cobas e Carlos Fernández-Jardón, ten como obxectivo poñer en valor o impacto económico e social que representan as Sociedades Mixtas Pesqueiras, a través dunha estimación realista da creación de riqueza, emprego e valor social ademais da contribución das prácticas implantadas no exercicio desta actividade cara a un desenvolvemento máis sostible.


- Te recomendamos -
Artículo anteriorO Concello remite á Deputación o convenio para a Grada de Gol
Artículo siguienteEl tiempo para hoy en Vigo, 20 de enero de 2024