O rexedor vigués mantivo esta mañá un encontro con Beatriz Corredor, ex ministra de Vivenda e actualmente presidenta de Redeia. Nesta reunión trataron temas de relevancia para a cidade como a implantación da Moi Alta Tensión, sobre a que o alcalde indicou que “vai sobre o previsto e planificado”, engadindo que “nestes intres atópase na fase de tramitación”.
No encontro que tivo lugar nas dependencias municipais tamén estivo presente Elena Espinosa, terceira tenente de alcalde da cidade e exministra do Medio Ambiente.
O rexedor explicou que aproveitaron para tratar temas de actualidade para Vigo, como a instalación da Moi Alta Tensión, sobre a que Caballero afirmou que “non hai ningunha sombra de dúbida sobre a súa chegada”, explicando que “a vicepresidenta terceira do Goberno, Teresa Ribera, o confirmou” e todo “vai sobre o previsto e planificado”, atopándose nestes intres “na fase de tramitación”. Ademáis, o alcalde destacou que ” a Moi Alta Tensión de Vigo xa conta con recursos para un proxecto que elevará o seu investimento a preto dos 72 millóns de euros”, co cal “en tres ou catro anos estará vixente e operativa”.
Na súa estancia en Vigo, Beatriz Corredor participou esta tarde como poñente das xornadas formativas municipais, baixo o lema: “As políticas públicas de Igualdade”.
- Te recomendamos -
