Inicio Últimas Noticias Vigo contará cun servizo de bicicletas eléctricas

Vigo contará cun servizo de bicicletas eléctricas

Abel Caballero indicou esta mañá que o Concello “autorizou a instalación de estacións de recarga de vehículos eléctricos e bancadas de bicicletas eléctricas en aparcamentos subterráneos”. A Xunta de Goberno Local tamén aprobou o proxecto de reparación estrutural da cuberta do pavillón polideportivo de Bouzas.

Na Xunta de Goberno Local deste venres, o Concello de Vigo autoriza a instalación de estacións de recarga de vehículos eléctricos e bancadas de bicicletas eléctricas en aparcamentos subterráneos. Será en 7 aparcamentos da cidade (Avenida Castelao, Jenaro de la Fuente, Policarpo Sanz, Areal, Pintor Colmeiro, Urzaiz e Praza Independencia), no que se instalarán 10 prazas con recarga eléctrica e 10 bicicletas en cada un dos aparcamentos.

Leer más:   A Academia proclama a Vigo como "a cidade do cinema"

Como indicou o rexedor, con esta medida “estamos facilitando a recarga de vehículos eléctricos” e por outra banda, “a instalación dunha nova forma de entender a mobilidade urbana”, impulsando o uso de bicicletas eléctricas “para promover unha mobilidade de última milla sostible”.

Pavillón de Bouzas

A Xunta de Goberno Local tamén aprobou o proxecto de reparación estrutural da cuberta do pavillón polideportivo de Bouzas, cun orzamento de 86.305€.

Caballero indicou que “as actuacións executaranse na estrutura de formigón prefabricado, que cobre a pista polideportiva”. Na actuación, tamén se saneará “a estrutura metálica de aceiro laminado ligada ao prefabricado da fachada e do lateral das vigas da cuberta”. Inclúe ademais a reparación e impermeabilización do canalón de recollida de auga da cuberta, polo que “contamos que en 8 meses o pavillón este completamente reparada e a pleno funcionamento”.

Leer más:   Vigo acada os 300.997 habitantes empadronados


- Te recomendamos -
Artículo anteriorO inicio da humanización da rúa Val Miñor avanza a mellora da contorna de Balaídos
Artículo siguienteO goberno local apoia a Reconquista con 155.000 euros