Inicio Últimas Noticias Comeza a instalación das ramplas mecánicas en Escultor Gregorio Fernández

Comeza a instalación das ramplas mecánicas en Escultor Gregorio Fernández

O alcalde achegouse á instalación da primeira das cinco ramplas que conformarán todo o elemento mecánico en Escultor Gregorio Fernández. A actuación enmárcase no corredor que o Concello está a construír entre as zonas de Areal, Rosalía de Castro e García Barbón ata o Barrio de Ribadavia. A obra está cofinanciada cos fondos europeos Next Generation EU a través do Plan de Recuperación, Transformación e Resiliencia do Goberno de España.

O Concello comeza a instalación das ramplas mecánicas na rúa Escultor Gregorio Fernández coa chegada da primeira peza das cinco que conforman este novo elemento do Vigo Vertical. O proxecto conta cun orzamento de 2,6 millóns, dos que o 75% corren a cargo do Goberno de España a través do Plan de Recuperación, Transformación e Resiliencia dotado cos fondos europeos Next Generation EU.

Leer más:   Concello e Goberno de España colaborarán na construción de vivenda de alugueiro taxado

Instalaranse 5 ramplas ao longo de 180 metros e salvan 15 metros de altura entre Vía Norte e a praza de Fernando El Católico. Segundo expresou o alcalde, “beneficiaranse miles de cidadáns e cidadás.” As ramplas de Escultor Gregorio Fernández súmanse ao corredor que o Concello está a desenvolver desde a zona do Areal, Rosalía de Castro e García Barbón ata o Barrio de Ribadavia. Caballero propón subir por Serafín Avendaño, coller o HALO, chegar desde Escultor Gregorio Fernández ata a praza Fernando El Católico, de aí o alcalde dixo que fará unha rampla ata o ascensor de San Salvador, e en Pizarro achégaste ata o Barrio de Ribadavia coas escaleiras mecánicas e o ascensor.

Axudas de Emerxencia

O Concello concedeu esta semana 78 axudas de emerxencia por valor de 27.000 euros. 23 foron para alimentación, 29 para vivenda, “polo que evitamos desafiuzamentos para 29 familias”, dixo o alcalde, e outras para o pago de subministros e gastos médicos.

Leer más:   Cuándo abren las piscinas en Vigo Estos son los horarios

Abel Caballero louvou a política de benestar municipal: “Temos unha enorme política social froito da cidadanía de Vigo”.


- Te recomendamos -
Artículo anteriorAenor certifica a hospitales de Quirónsalud en Sermas bajo el Esquema Nacional de Seguridad
Artículo siguienteO V Festival Terraceo programa 12 concertos entre maio e setembro