Vigo acolle o programa "Roda Academia de Cinema" do 15 ao 19 de abril coa participación de cineastas e escritores

“O Concello quere converter á cidade, coa Vigo Film Office, nun estudio de rodaxe”. Así se expresou hoxe o alcalde ao avanzar decisión da Academia de Cinema de elixir a Vigo para desenvolver durante toda a próxima semana, do 15 ao 19 de abril, o programa de desenvolvemento audiovisual que reunirá a cineastas e escritores con guionistas emerxentes, entre outros interesados pola sétima arte.

Caballero detallou que a iniciativa “Roda Academia de Cinema” inclúe mentorías, asesoramentos e charlas formativas, así como sesións abertas ao público en xeral, que se desenvolverán no MARCO, no Edificio de Redeiras e no auditorio de Zona Franca.

Profesionais de recoñecido prestixio e persoas interesadas no cinema compartirán espazo, segundo indicou Caballero ao adiantar que no programa destaca a presenza no MARCO dos directores Álvaro Gago e Sonia Méndez, do 15 ao 16. Ao día seguinte, intervirá a cineasta e guionista, gañadora dun Goya, Carla Simón .

O xoves 18 está programada a proxección, en colaboración con HBO+, dos dous primeiros capítulos da segunda serie da tempada da serie británica “Industry”, cuxos creadores, Mickey Down e Conrad Key, o venres 19 compartirán actividade cos participantes no programa.

O 19 de abril Fernando León de Aranoa protagonizará un coloquio tras a proxección da súa película “Os luns ao sol”.

Ademais das actividades protagonizadas polos cineastas, a Academia de Cinema programou unha charla coas montadoras Ana Pfaff e Ariadna Ribas; proxeccións de curtametraxes de participantes, e talleres escolares. Tamén haberá un encontro co escritor vigués Pedro Feijóo.