O Consello da Xerencia de Urbanismo aprobará inicialmente o Plan Especial de Infraestruturas e Dotacións para dotar ao centro educativo dunha nova entrada desde a estrada de Camposancos por un importe de 1,1 millón de euros.
O alcalde avanzou este venres a decisión que permitirá crear unha “entrada segura e ampla” para o centro educativo situado en San Andrés de Comesaña, logo do rexeitamento da Xunta de Galicia á petición do Concello, que quería reformar o acceso aplicando a Lei Vigo. “A Xunta opúxose frontalmente cando se trata da seguridade do alumnado” que entra cada día en condicións “moi deficientes”.
Ante a negativa autonómica, o goberno municipal executará unha “nova obra” para solucionar o problema de accesibilidade do Ceip Párroco don Camilo a través da aprobación inicial do Plan Especial de infraestruturas e dotacións no Consello da Xerencia de Urbanismo.
O Concello abrirá unha nova vía, desde a estrada de Camposancos, cun ancho de máis de 16 metros para peóns e vehículos, con beirarrúas de 2 metros de ancho, dous carrís de 3,5 metros de ancho e unha rotonda á altura do centro que permitirá o xiro dos autobuses, e que será onde remate a vía.
Abel Caballero explicou que o goberno municipal investirá 1,1 millóns de euros nesta obra, que será “pagada na súa totalidade” polo Concello “dado a Xunta non quixo facelo”.
Trala aprobación inicial, o Plan Especial será sometido a información pública por un período de dous meses desde a publicación no DOG.
Escoitar O alcalde animou hoxe aos alumnos do colexio A nosa Señora da Esperanza a…
Escoitar Abel Caballero explicou hoxe a 25 alumnos de quinto de primaria do Colexio Jesuitinas-Miralba,…
xoves, 16 mai 2024 El alcalde anunciou hoxe que o Concello asfaltará o próximo outono…
O alcalde e a cónsul xeral de Francia en Bilbao, Marianne Carré, mantiveron unha xuntanza…
O vindeiro domingo 19 de maio celébrase a “Carreira Praia de Samil FE Seguros-IV Memorial…
Abel Caballero desvelou a recepción do recoñecemento outorgado polo Colexio Oficial de Enxeñeiros Industriais de…
Esta web usa cookies.