A Academia proclama a Vigo como "a cidade do cinema"

O alcalde, tras poñer en valor a aprendizaxe que proporciona o cinema, puxo en valor a importancia da elección de Vigo como anfitrioa do programa da Academia de Cine “Rueda Academia de Cinema”, ademais do interese da cidade por manter a relación coa sétima arte.

Caballero explicou que a iniciativa dirixida a apoiar o desenvolvemento audiovisual de profesionais emerxentes que xa ten proxección, conta coa participación de 50 cineastas, directores e guionista de toda España que foron seleccionados pola Academia de Cinema. Entre estes atópanse 12 cineastas vigueses. Entre todos comparten mentorías e sesións de asesoramento, en paralelo con sesións que están abertas ao público en xeral. Indicou que os realizadores vigueses Álvaro Gago e Sonia Méndez reúnense cos participantes para analizar os seus proxectos.

O rexedor avanzou que o xoves 18 terá lugar no MARCO a proxección dos dous primeiros capítulos da serie británica Industry, cuxos creadores estarán en Vigo o venres. O día 19 tamén estará en Vigo Fernando León de Aranoa para participar nun coloquio, aberto ás persoas interesadas, sobre a súa película “Os luns ao sol”.

Trascendente apoyo do Concello

O vicepresidente da Academia de Cinema, Rafael Portela, tras asegurar que a elección de Vigo para desenvolver o programa se debe a que “é unha cidade do cinema” e ao apoio do Concello a través da Vigo Film Office, compartiu co alcalde a análise e interpretación do cinema como elemento que “configura a nosa vida e o futuro. O que seremos tamén é o que o cinema nos está ensinando a proxectar e a imaxinar, por iso é importante”. Portela explicou que o programa se centra no desenvolvemento de guións no que os beneficiarios traballan de forma telemática durante todo o ano e que celebran reunións presenciais anuais como a de Vigo para compartir actividades e participar en mentorías, así como de compartir experiencias e coñecementos con cineastas locais. Así, promóvese a creación de lazos entre creadores locais e nacionais e favorécese a posta en marcha de novos proxectos.

O vicepresidente da Academia de Cine apuntou que o programa “Rueda Academia de Cinema” promove aos creadores locais e coa súa presenza en Vigo á cada vez máis importante industria cinematográfica galega.