O Concello, a través da Oficina Municipal de Voluntariado, organizou este 23 de abril unha lectura pública dedicada á novela “Os Pazos de Ulloa” de Emilia Pardo Bazán.
Abel Caballero participou este martes na celebración do Día do Libro dando lectura na Porta do Sol a diferentes fragmentos de novelas de Emilia Pardo Bazán nun acto ao que se sumaron voluntarios municipais, encabezados por Marisé Pérez Mariño e Ramón Ilarri, xunto á cidadanía viguesa, que foron lendo partes de “Os Pazos de Ulloa”.
O alcalde agradeceu o labor que realiza, non soamente nesta xornada senón durante todo o ano, o persoal que forma parte do voluntariado cultural municipal achegando, por exemplo, a lectura a diferentes colectivos en colaboración coa Biblioteca Municipal Neira Vilas. O pasado mes de marzo realizaron lecturas dedicadas á muller, á “Xeración Beat”, grupo de escritores americanos dos anos 40-50 e no mes de febreiro, organizaron unha homenaxe ao escritor Julio Cortázar.
Ademais, durante esta xornada haberá actividades no MARCO: unha charla coas escritoras María Rod, María Solar e Raquel Campos Pico, que contarán a súa experiencia no mundo literario (Salón de Actos) e haberá un bookcrossing, con depósito de libros por distintas partes da cidade. O Museo acollerá o xoves 25 “MARCO Conversas” con Rosendo Cid e Manuel Vilariño e o venres 26 “MARCO Conversas” con Din Matamoro e Teresa Moro.
A Biblioteca Neira Vilas celebra o venres o ciclo “Contos Dakí: Ángeles Goás”, con contos rescatados de tradición oral.
Vitrasa súmase á celebración do 23 de abril cunha campaña de fomento da lectura. As persoas que utilicen hoxe os autobuses das liñas C1, 4, 5 e C3 poderán intercambiar os libros nun total de 29 autobuses.
A lo largo de la mañana en Vigo el cielo estará cubierto con tormentas y…
En la próxima jornada 37 de LALIGA, que se inaugura este sábado 18 de mayo…
Un total de 13 médicos especialistas en dermatología de 10 nacionalidades se han desplazado a…
Marlons, la emergente cadena de hamburgueserías conocida por sus auténticas “smash burgers” al estilo americano,…
El 33% de las mujeres sienten presión por alterar su apariencia debido a las imágenes…
Este 2024, año de los Juegos Olímpicos de París que darán comienzo el próximo 26…
Esta web usa cookies.