O alcalde avanzou as actividades que organiza o museo a vindeira semana como parte da programación para conmemorar o Día Mundial dos Museos o 18 de maio.
O MARCO prepara diferentes actividades para público diverso co fin de celebrar a efeméride do vindeiro 18 de maio, Día Mundial dos Museos. As dúas primeiras propostas son de balde pero precisan de inscrición previa ao teren límite de prazas.
O Xoves 16 a Marcoteca e o Espazo Anexo do museo acollerán “Escola de mestras”, unha xornada sobre recursos e materiais para educación infantil relacionados coa arte contemporánea. Estará conducida por Ash Santos, artista vigués e autor dalgún dos murais do programa Vigo, cidade de cor. Tal e como avanzou o rexedor, a actividade ten omo obxectivo “ir formando a pais e educadores” e desenvólvese de 17:30 a 20:30 horas cunha charla, unha proposta editorial e un taller sobre recursos educativos para escolares entre 3 e 8 anos. Está destinado a profesorado de Infantil e primeiros cursos de Primaria, estudantes de FP, Belas Artes, maxisterio e persoas interesadas na educación artística. A xornada é gratuíta e necesita inscrición previa.
O sábado 18 de maio, o Marco organiza “Lumes no anexo”, un taller de robótica educativa en familia, entre as 11:30 e as 21 horas con exhibición/competición de robots, faladoiros sobre proxectos punteiros en novas tecnoloxías aplicadas ou sobre a Intelixencia Artificial ética e responsable. O obradoiro conducido por profesionais do ámbito da robótica educativa, robótica aplicada ou da Intelixencia Artificial e está pensado para público familiar. É de balde pero con prazas limitadas para as que é preciso facer reserva previa.
Siete personas han resultado heridas en un grave accidente ocurrido en la AP-9 a la…
En las primeras horas del día en Vigo se prevén nubes y claros con poca…
Durante la mañana en Vigo estará muy nublado con tormentas acompañadas de lluvia. Según pasen…
En la próxima jornada 37 de LALIGA, que se inaugura este sábado 18 de mayo…
El último ranking elaborado por la Fundación CyD reconoce a la Universidad Alfonso X el…
Pablo Castellano Vázquez, consejero de Millenium Hospitality desde marzo, ha reforzado su apuesta por la…
Esta web usa cookies.