A Xunta de Goberno Local trasladou a súa conformidade este venres ao proxecto da obra que conta cun orzamento de 16,8 millóns de euros, dos que o Goberno de España achega case 12 e coa que a “gran avenida quedará integrada plenamente na cidade”.
Con este novo paso, o Concello manifesta a súa conformidade co “Proxecto de remodelación da Avenida de Madrid” que propón o Goberno, unha vez ratificado na comisión de seguimento da obra.
Abel Caballero explicou que agora “procederemos á licitación e posterior adxudicación de obra” coa previsión de que os traballos poidan iniciarse “despois de Nadal”. O proxecto de remodelación da Avenida de Madrid ten un orzamento de 16,8 millóns de euros dos que o Goberno de España dedica 11,2 millóns, ademais do proxecto construtivo, valorado en 466.028 euros.
A Avenida de Madrid quedará plenamente integrada na cidade como unha “gran avenida” na que se incrementará a permeabilidade peonil e que se dotará con elementos de deseño e estética seguindo os modelos de humanización desenvolvidos nos últimos anos polo goberno municipal na cidade.
Parque bombeiros de Esturáns
Aprobamos o proxecto modificado das obras do novo parque de bombeiros en Esturáns que ten un orzamento total superior aos 3 millóns de euros e que amplía o prazo de construción en 6 meses.
O modificado incorpora, en opinión do rexedor, “importantes melloras” que aumentan a seguridade, a conservación e a eficiencia no mantemento do novo edificio nas mellores condicións, cunha maior operatividade na entrada e saída de vehículos dotando ao edificio dun sistema de apertura automática dos portais; cun sistema de vixilancia a través de cámaras sen depender do persoal que estea na cocheira ou carpinterías de aluminio de apertura oscilobatente para evitar futuras oxidacións das chapas metálicas de revestimento do edificio.
“Será un segundo gran parque de bombeiros na cidade”, apunta Caballero, que pasará a contar con “dous magníficos parques”.
Amais da construción do pavillón efémero en Porta do Sol, o Concello programará distintas actividades…
O Concello organiza unhas xornadas o 29 e 30 de maio coa participación de Teresa…
Escoitar Estudantes do Colexio Montesol protagonizaron hoxe a última visita aos escenarios da Reconquista de…
luns, 20 mai 2024 Abel Caballero anunciou este luns a adxudicación, por preto de dous…
A Xunta de Goberno aprobou esta mañá o proxecto de melloras do abastecemento e saneamento…
O rexedor vigués comunicou a aprobación do convenio tras a Xunta de Goberno Local celebrada…
Esta web usa cookies.