Trátase dunha medida para nenos que estean enfermos ou non poidan achegarse por calquera outra causa de forza maior. O Belén Monumental de Casa das Artes alcanza os 129.756 visitantes.
Abel Caballero avanzou esta mañá en rolda de prensa que os Reis Magos poderán felicitar de forma virtual os nenos e nenas que non poidan ir á Cabalgata por estar enfermos ou por outra causa de forza maior. Realizaranse mediante unha videochamada entre os días 4 e 5 de xaneiro de 10 a 21 horas, trátase dunha videoconferencia programada na que un dos Reis felicita o Nadal aos pequenos durante uns 10 minutos. Xa se encontra dispoñible o rexistro de solicitudes mediante a web municipal.
O rexedor tamén avanzou que as Maxestades de Oriente da Cabalgata estática terán desta vez moito parecido con Jesús Sotelo (Presidente Comisión Fiestas de Santa Ana); Cristian González (Presidente Asociación Atlántida de Matamá); Brima Conted (directivo del Balaídos Fútbol Club) e a Carteira Rea a María del Carmen Martínez Pazó (Presidenta Asociación Vecinos Candeán). Pola súa banda, os da Cabalgata dinámica, Melchor parecerase a Enrique Lorenzo (Presidente ACOPOVI); Gaspar a Jesús Saiz (Presidente Federación Perruqueiros de Pontevedra); Baltasar será “un vello coñecido da cidade” e a Carteira Real a Merche Covelo (Presidenta Club Carpa Patinaxe).
O Concello ten organizada para a mañá do 5 de xaneiro a cabalgata estática na Avenida de Castelao entre as 11:00 e as 14:30 horas da tarde. Pola tarde, a Cabalgata dinámica comezará entre as 17:30 e as 18:00 horas con saída desde Praza América pasando por López Mora, Pi i Margall, Paseo de Alfonso, onde os Reis Magos baixarán das carrozas para desprazarse camiñando ata a Porta do Sol. Alí o alcalde entregaralles as chaves da cidade.
Belén Casa das Artes
O elevado número de visitas do Belén da Casa das Artes é unha mostra do nivel de afluencia do alumeado de Nadal de Vigo, xa que alcanzou os 129.756 visitantes dende a súa apertura o 26 de novembro. Tanto o xoves 8 como o sábado 10 de decembro alcanzaronse os días con maior número de visitas, superando as 7.800 persoas. Como remarcou o alcalde “esta ultima semana foi moi ben, cun nivel de visitas importantísimo, que chegou ás 5.000 visitas o luns 26 de decembro”.
- Te recomendamos -
