Segundo informou o alcalde este luns, a día de hoxe o Concello ten rexistradas 15.226 axudas para libros de texto, “das que algunhas son de máis de un neno ou nena”.
Na rolda de prensa matinal, o rexedor vigués quixo recordar que o prazo de solicitude rematará o 2 de febreiro, polo que recalcou que “todo o mundo o solicite”. O trámite pode solicitarse ben á través da web www.vigo.org, ou ben de forma presencial no Rexistro, sobre todo en horario de tarde, desde as 16:00 ata ás 20:00h de luns a xoves, sen cita previa.
Ata este momento o Concello ten rexistradas 15.226 axudas, de alumnado de Educación Primaria, Educación Secundaria Obrigatoria ou Educación Especial do termo municipal de Vigo. Cada familia recibirá 205 euros por neno e para financiar estas achegas o Concello destina 5,2 millóns de euros.
- Te recomendamos -
