Este martes mantívose unha xuntanza en Madrid para coñecer información precisa dos novos requisitos para ser unha das sedes do Mundial 2030 en España, Portugal e Ucraína. No día de hoxe elevouse a sétima, e derradeira, parte da estrutura da cuberta de Marcador.
O alcalde afirmou que na reunión celebrada onte martes na sede da Federación Española de Fútbol, comunicáronse novos requisitos “sobre campos de adestramento e hoteis” para optar a sede do Mundial, “dos cales Vigo cumpre todos”.
Caballero avanzou que as 15 sedes actuais, recibirán en próximas datas a visita de membros da organización da candidatura, co obxectivo de comprobar o estado de cada unha, sinalando que “sabemos que temos unha magnífica proposta, unha magnífica candidatura. Somos parte do núcleo duro das candidaturas”.
Na mañá de hoxe, a grada de Marcador xa conta coas sete partes da estrutura da cuberta, completando a unión coas gradas de Tribuna e Río Alto. A súa vez, o rexedor sinalou que continúa o avance na colocación das butacas e os progresos na cubrición externa do graderio.
- Te recomendamos -