O alcalde mantivo esta mañá un encontro co presidente e coa directora xeral de Conxemar, Eloy García e Yobana Bermúdez, respectivamente, no que Caballero ratificou o compromiso do Concello coa feira á que apoia con 100.000 euros. Outro dos asuntos dos abordados na reunión foi a necesidade de mellorar os accesos e nese punto o alcalde lembrou que o goberno local encargará un proxecto que terán que levar a cabo Goberno Central e Xunta, como administracións competentes. Por último, acordaron implementar un plan de tráfico para a seguinte edición de Conxemar.