Técnicos municipais mantiveron unha xuntanza co Ministerio de Transportes, Mobilidade e Axenda Urbana na que se abordaron as dúas opcións que o Goberno de España contempla para a saída sur ferroviaria de Vigo e a conexión con Porto en alta velocidade. “O Goberno de España ten o aval do Concello de Vigo”, expresou.
O Concello de Vigo segue a avanzar xunto ao Goberno de España na tramitación da saída sur ferroviaria da cidade, que fará de Urzáiz unha estación pasante e permitirá conectar Vigo con Porto en alta velocidade. O Concello mantivo unha xuntanza técnica co MITMA na que anunciou que “se licitará de xeito inmediato a saída sur ferroviaria, aínda que será o ministerio o que concrete a data”.
O alcalde coñeceu as dúas opcións do estudo de alternativas que o Goberno de España considera axeitadas para a liña de alta velocidade entre Vigo e Porto: “A condición é que o ferrocarril non estea en superficie en ningún lugar do término municipal de Vigo, e as dúas opcións son en túnel. O que o Goberno de España propón ten o aval do Concello de Vigo”, manifestou Caballero.
Segundo explicou o rexedor, a saída será en túnel, polo baixo da rúa México, e sempre seguindo a liña da estrutura viaria en superficie, soterrado, nuns 20 o 25 metros baixo terra. “Unha vez chega á Avenida de Madrid hai unha opción cerca da actual estrada e outra máis á dereita”, quixo diferenciar.
“Isto vai a velocidade de cruceiro. Estamos satisfeitos e de acordo co que o ministerio nos plantexa”, concluíu.
O alcalde cifrou a ocupación hoteleira por turistas internacionais nun 39% do total. A Xunta…
Escoitar O Concello súmase á conmemoración desta xornada, que se celebra en todo o mundo…
venres, 3 mai 2024 Abel Caballero desvelou hoxe unha nova cita da programación de concertos…
Abel Caballero presentou hoxe, con David Regades, a nova Zona de Innovación 2024 que, do…
A Xunta de Goberno Local aprobou hoxe as bases e a convocatoria das bolsas de…
Abel Caballero desvelou hoxe unha nova cita da programación de concertos de verán do "Vigo…
Esta web usa cookies.