Abel Caballero deu conta do plan de tráfico para os días dous, tres e catro de xaneiro, datas nas que se espera unha gran afluencia de persoas á cidade. “Imos redirixir aos usuarios de fóra da cidade á zona de Samil, onde haberá lanzadeiras de transporte público”, explicou o alcalde. Na fin de semana a ocupación hoteleira de Vigo foi do 85%.
Vigo se prepara para recibir aos Reis Magos e nestas datas, co remate das choivas, a cidade espera unha gran afluencia de persoas. O Concello porá en marcha hoxe ás 18 horas un plan de tráfico co obxectivo de mellorar a mobilidade nos accesos á cidade.
Deste xeito, Abel Caballero deu conta de que os usuarios procedentes de Pontevedra e Baiona terán desvíos pola VG-20 co obxectivo de chegar ata a zona de Samil, poder aparcar e chegar ao centro utilizando o transporte público. A partir das dúas da tarde na AP-9, AG-57 e A-55 haberá avisos aconsellando os desvíos. Para estes últimos, procedentes de O Porriño, serán desviados polo carril de servizo da antiga estación de autobuses para coller Arquitecto Palacios e chegar a Castrelos. O goberno local dobrará os efectivos de Policía Local ata os 42 axentes por xornada.
Turismo
“O Nadal de Vigo é un dos eventos máis importantes de España e comeza a selo en Europa. Persoas de toda España, Galicia e este ano houbo un fenómeno novo, cos nosos amigos de Portugal, que viñeron ao Nadal de Vigo”, expresou o rexedor en rolda de prensa. Os datos amosan o éxito do Nadal, cunha ocupación hoteleira no último fin de semana do ano dun 85%. “Somos o centro de atención no ámbito do turismo”, engadiu.
San Silvestre e Festa de As Travesas
Tras a suspensión da San Silvestre e a Festa de As Travesas por mor da meteoroloxía, o alcalde anunciou hoxe que vai retomar a festa de As Travesas a mediados do mes de marzo, co obxectivo de reactivar a actividade comercial. “Non descarto unhas uvas a mediados de marzo para celebrar a chegada da primavera”, dixo Caballero en rolda de prensa. Tamén se retomará a San Silvestre a mediados do mes de ferebreiro.
Incidente en vigo Un grave incidente ocurrió en Vigo cuando un hombre, inmerso en un…
Durante el día de hoy en Vigo el cielo estará cubierto con lluvia. En cuanto…
Abel Caballero trasladou hoxe aos estudantes de primeiro de Educación Secundaria do CPR Pai Miguez,…
xoves, 2 mai 2024 Caballero destacou que se “localizará na rúa Martín Echegaray, ao carón…
Escoitar Educación Alcaldía Abel Caballero explicou este xoves aos estudantes do Colexio Alborada, que participan…
O Tribunal Superior de Xustiza de Galicia volve darlle a razón ao Concello de Vigo…
Esta web usa cookies.