Os datos recollidos polo último “Estudio de adxudicacións de obras en Galicia”, elaborado pola Federación Galega da Construcción, sitúa a cidade a cabeza do ránking con 183 obras por valor de 33,3 millóns de euros. Abel Caballero destacou que “só Vigo, adxudicou máis obra pública que A Coruña, Pontevedra, Santiago, Lugo e Ourense xuntas”.
O Concello de Vigo adxudicou no ano 2023 un total de 183 obras cun importe de 33.324.954 euros, como así o indica o informe do “Estudio de adxudicacións de obras en Galicia”, elaborado pola Federación Galega da Construcción. O rexedor sinalou que “isto sinala o noso nivel de actividade, Vigo conta cunha gran transformación liderada dende este Concello” e “este dato irrebatible é unha clara mostra”.
Esta cifra converte a Vigo na primeira cidade de Galicia en adxudicación de obra pública, acaparando máis “da cuarta parte” dos 313 municipios galegos, cun 25,8% do total. Como destaca Caballero, “só Vigo, adxudicou máis obra pública que A Coruña (8,7 millóns), Pontevedra (7,9 millóns), Santiago (7,5 millóns), Lugo (6,1 millóns) e Ourense (2,4 millóns) xuntas”, xa que computan 32,6 millóns en adxudicacións de obra pública.
- Te recomendamos -
