O alcalde participou este luns no acto simbólico de colocación da primeira pedra da obra coa que se recuperará para o uso cidadán o tramo comprendido entre o Camaleón e Punta Samil.
Cun orzamento de 1.801.021 euros e un prazo de execución de nove meses, o goberno municipal humanizará o citado tramo da Avenida de Samil mellorando “as beirarrúas, o aparcamento e poñendo máis árbores”.
Ao mesmo tempo, tal e como sinalou Abel Caballero, o Goberno de España asume o proxecto de recuperación da praia de Samil facendo “un novo paseo, máis ancho e con máis praia, facilitando o uso do areal para máis xente e en mellores condicións”. Para iso dedica un orzamento 2.126.151 euros, que se suman aos 1,8 millóns de orzamento municipal para a humanización de Samil.
“Será unha obra excepcional de recuperación da Avenida e do paseo de Samil” adiantou Caballero ao explicar que o tramo urbano da avenida de Samil contará con zona de aparcamento, unha beirarrúa de 2,5 metros de ancho, na zona onde non hai na actualidade, mentres que o lado praia será humanizado, con beirarrúas que terán un ancho de 6 metros “de forma que teremos acceso mellor á praia”. O proxecto recolle tamén a redefinición da glorieta coa instalación dunha escultura, a renovación de toda a iluminación con luminarias LED de alta eficiencia enerxética, a renovación das redes de abastecemento e saneamento e a instalación de nova sinalización e mobiliario urbano.
LaLiga ha vuelto a ganar al Real Madrid en los tribunales, en el marco del…
Baleares es uno de los destinos preferidos del turismo internacional y Menorca se ha convertido…
La Sociedad Andaluza de Cardiología, con la colaboración de Novartis y un comité de expertos,…
Durante la mañana en Vigo se esperan nubes altas. A medida que avance el día…
Durante el día de hoy en Vigo habrá pocas nubes. En relación a las temperaturas,…
Esta web usa cookies.