O prazo de inscrición na web https://campamentos.xuventudevigo.org/ abre este xoves, 25 de abril, e remata o domingo 12 de maio. As nenas e nenos vigueses de entre 4 e 17 anos poderán participar en 15 campamentos en diferentes espazos da cidade con aula matinal e servizo de friameira.
O alcalde deu conta este luns da apertura do prazo para a inscrición nos campamentos municipais “Verán Xove 2024” que ofertan case 4.000 prazas cun investimento de 541.000 euros. As familias interesadas deben inscribirse na web https://campamentos.xuventudevigo.org/ desde este xoves, 25 de abril, ás 10 da mañá, e ata o domingo 12 de maio. O sistema de adxudicación das prazas será por sorteo entre tódalas familias solicitantes. A información completa está na citada web.
Abel Caballero explicou que o goberno municipal ofrecerá nos quince campamentos deste verán “actividades de lecer, deporte, natureza, animación e xogo para nenas e nenos de entre 4 e 17 anos co obxectivo de facilitar a conciliación da vida familiar, persoal e laboral”.
As actividades comezarán ao remate do curso escolar, o luns 24 de xuño, e desenvolveranse ata o 30 de agosto, en 5 quendas de 2 semanas cada unha, nas que haberá aula matinal entre as 8 e as 9 horas da mañá e servizo de friameira de 14 a 15 horas.
A relación dos campamentos municipais deste ano é a que segue: Alcabre – Asociación veciños, Berbés – Ceip Marqués de Valterra, Bouzas – pavillón e praia, Candeán – Ceip Igrexa, Coia – Ceip Celso Emilio Ferreiro, CEIP DR Fleming, ETEA, Ludo Casco Vello – Casa Reitoral rúa Méndez Núñez, Ludo Miñoca – Centro municipal de distrito, Navia – Pavillón, Samil – complexo deportivo, Travesas – Pavillón, Vigosónico, Vigonature e VigoNature albergue con pernocta.
A lo largo de la mañana en Vigo el cielo estará cubierto con tormentas y…
En la próxima jornada 37 de LALIGA, que se inaugura este sábado 18 de mayo…
Un total de 13 médicos especialistas en dermatología de 10 nacionalidades se han desplazado a…
Marlons, la emergente cadena de hamburgueserías conocida por sus auténticas “smash burgers” al estilo americano,…
El 33% de las mujeres sienten presión por alterar su apariencia debido a las imágenes…
Este 2024, año de los Juegos Olímpicos de París que darán comienzo el próximo 26…
Esta web usa cookies.