A formación desenvolverase o luns 13 de maio pola mañá no Museo Verbum. O cartel de relatores conta con profesionais da Universidade de Vigo, o Instituto Xeolóxico Nacional e investigadores de Portugal. “Seguimos avanzando na candidatura Illas Cíes Xeoparque da UNESCO”, expresou o alcalde.
Vigo avanza na candidatura de Illas Cíes Xeoparque da UNESCO e organiza para o luns 13 de maio un seminario sobre as singularidades xeolóxicas das Cíes. O evento desenvolverase no museo Verbum de 10 a 14:30 horas e conta cun cartel de relatores profesionais da Universidade de Vigo, o Instituto Xeolóxico Nacional e investigadores de Portugal.
O alcalde puxo de manifesto que “se quere proporcionar unha comprensión profunda da xeoloxía única do arquipélago vigués a través das presentacións detalladas por expertos recoñecidos”. O seminario está dedicado a investigadores, guías oficiais, voluntarios do Concello, universitarios e Erasmus.
A inscrición pode facerse a través do código QR do cartel.
- Te recomendamos -
