Os alumnos de Primaria dos centros de Vigo terán na súa biblioteca un exemplar do Tesouro da miña lúa, un libro que conta a historia de dous rapaces que percorren a cidade en busca dun tesouro. Este conto fai un percorrido imaxinativo pola historia da cidade.
O alcalde participou esta mañá na presentación do Tesouro da miña lúa, unha historia dun neno e dunha nena, Itziar e Hugo, que se fan amigos desde a lúa e emprenden unha aventura en busca dun tesouro percorrendo a cidade como se fora un taboleiro. Segundo explicou o rexedor, o Concello distribuirá 150 exemplares deste conto entre os centros de Primaria da cidade para que os poidan incorporar a súa biblioteca.
Durante a rolda de prensa, Anna Blanch, autora e ilustradora leonesa, agradeceu ao goberno local a súa colaboración para poder editar un libro, da Editorial Lobito Bueno, que permite aos rapaces achegarse á historia da cidade dun xeito orixinal a imaxinativo”.
- Te recomendamos -
