Ata o próximo venres 17 de marzo estará aberto o prazo para solicitar a participación no programa “Vigo en inglés”. Ofértanse 925 prazas cun orzamento de 2,2 millóns.
O alcalde lembrou esta mañá que o prazo para solicitar as becas de inglés comezou onte luns e rematará o 17 de marzo. Nesta ocasión ofértanse 925 prazas, cun orzamento de 2,2 millóns, que incluirán unha estancia de tres semanas no Reino Unido ou Irlanda, convivindo con familias.
O primeiro dos requisitos para acceder a unha destas achegas é estar cursando 3º da ESO nun centro educativo do Concello sostido con fondos públicos. O aspirante, ademais de estar empadroado en Vigo, debe ter aprobadas todas as materias de 2º da ESO e ter un mínimo dun sete en inglés.
Tal e como detallou, cada praza inclúe gastos de viaxe de ida e volta, monitores trilingües, matrícula nun curso intensivo de mellora da lingua inglesa, actividades de ocio, culturais e deportivas, aloxamento en réxime de pensión completa os sete días da semana, así como gastos de transporte urbano.
Escola de Idiomas
Así mesmo, o próximo mes de abril abrirase o prazo de solicitudes para os alumnos da Escola Oficial de Idiomas para que o alumnado poida viaxar para mellorar as súas habilidades no idioma no que están estudando: Reino Unido e Irlanda, Francia, Alemania e Austria, Italia, Portugal, Japón e Taiwán. Serán 100 bolsas, cun orzamento de 175.000 euros.
Fundación Unicaja ha presentado en su centro cultural de Málaga la exposición ‘De Rafael a…
‘Calladita’, el primer largometraje dirigido por Miguel Faus, se estrena este viernes en los cines…
La Feria del Campo 4.0, el nuevo salón dedicado a impulsar la innovación del sector…
Chocomel, la marca de batido de chocolate de FrieslandCampina, ha realizado una donación de 38.537…
Quirónsalud, la Universidad Rey Juan Carlos y el Museo Nacional Thyssen-Bornemisza, han puesto en marcha…
Escoitar O alcalde e a concelleira de Política Social reuníronse hoxe co presidente, traballadores sociais,…
Esta web usa cookies.