O Concello entrega as Medallas de Ouro da Cidade e as Viguesas e Vigueses Distinguidos

A gala de entrega das Medallas de Ouro da Cidade e os premios de Viguesas e Vigueses Distinguidos 2024 celébrase no Teatro Afundación ás 20 horas e poderá seguirse a través da canle de Youtube do Concello de Vigo e en Televigo.

O alcalde expuxo o listado de premiados nesta edición: as Medallas de Ouro da Cidade son para o Corpo Nacional de Policía de Vigo e para o Hospital Ribeira Povisa; os galardóns de Vigueses e Viguesas Distinguidos son para o IES A Guía, o CEIP Lope de Vega, o Colexio Quiñones de León e o proxecto musical Son das Flores do CEIP Vicente Risco no ámbito educativo; no ámbito deportivo recibirán a distinción o Club de Baloncesto Seis do Nadal-Coia, singularizado na súa presidenta, Iria Otero, na dirección deportiva, Sergio González e no seu fundador, Aalí Mohamed; para o Celta Feminino de Atletismo – Real Club Celta de Atletismo e para o Club Deportivo Coia; Emilio Sotelino (in memoriam), a Coral Polifónica do Centro Cultural de Valadares, a Coral Polifónica da Sociedade Cultural Deportiva Atlántida de Matamá e María Reimóndez serán recoñecidos no ámbito cultural e no asociativo, a Asociación de Viúvas Demócratas de Vigo.

Abel Caballero informou este martes do adiamento, con data por concretar, da ofrenda floral no Monumento aos Heroes da Reconquista que cada ano se realiza na Praza da Independencia, dadas as previsións climatolóxicas adversas para o vindeiro xoves, 28 de marzo, a data de conmemoración da Reconquista de Vigo.